Warning: session_start(): open(/tmp/sess_p55t886arptqd9r7lujav4q995, O_RDWR) failed: No space left on device (28) in /razi/eraazi/darbari/chunmun/index.php on line 15
nur ki kiran us se KHud nikalti rahti hai

Subscribe to our newsletter and get our newest updates

Ejaz Siddiqi

  • Ghazal


nur ki kiran us se KHud nikalti rahti hai


nuur kī kiran us se ḳhud nikaltī rahtī hai
vaqt kaTtā rahtā hai raat Dhaltī rahtī hai

aur zikr kyā kiije apne dil kī hālat kā
kuchh bigaḌtī rahtī hai kuchh sambhaltī rahtī hai

zehn ubhār detā hai naqsh haal o maazī ke
in dinoñ tabī.at kuchh yuuñ bahaltī rahtī hai

tah-nashīn maujeñ to pur-sukūn rahtī haiñ
aur sat.h-e-dariyā kī mauj uchhaltī rahtī hai

chāhe apne ġham kī ho yā ġham-e-zamāna kī
baat to bahar-sūrat kuchh nikaltī rahtī hai

zindagī hai naam us kā tāzgī hai kaam us kā
ek mauj-e-ḳhūñ dil se jo ubaltī rahtī hai

kaif bhī hai mastī bhī zahr bhī hai amrit bhī
vo jo jām-e-sāqī se roz Dhaltī rahtī hai

aaj bhī burī kyā hai kal bhī ye burī kyā thī
is kā naam duniyā hai ye badaltī rahtī hai

hotī hai vo sheroñ meñ mun.akis kabhī 'ejāz'
muddatoñ ghuTan sī jo dil meñ paltī rahtī hai

nur ki kiran us se KHud nikalti rahti hai
waqt kaTta rahta hai raat Dhalti rahti hai

aur zikr kya kije apne dil ki haalat ka
kuchh bigaDti rahti hai kuchh sambhalti rahti hai

zehn ubhaar deta hai naqsh haal o mazi ke
in dinon tabiat kuchh yun bahalti rahti hai

tah-nashin maujen to pur-sukun rahti hain
aur sath-e-dariya ki mauj uchhalti rahti hai

chahe apne gham ki ho ya gham-e-zamana ki
baat to bahar-surat kuchh nikalti rahti hai

zindagi hai nam us ka tazgi hai kaam us ka
ek mauj-e-KHun dil se jo ubalti rahti hai

kaif bhi hai masti bhi zahr bhi hai amrit bhi
wo jo jam-e-saqi se roz Dhalti rahti hai

aaj bhi buri kya hai kal bhi ye buri kya thi
is ka nam duniya hai ye badalti rahti hai

hoti hai wo sheron mein munakis kabhi 'ejaz'
muddaton ghuTan si jo dil mein palti rahti hai


Source: Book : Karwaan-e-Ghazal (Pg. 132) Author : Farooq Argali Publication : Farid Book Depot (Pvt.) Ltd (2004) Edition : 2004

Leave a comment

+