utaar lafzoñ kā ik zaḳhīra ġhazal ko taaza ḳhayāl de de
ḳhud apnī shohrat pe rashk aa.e suḳhan meñ aisā kamāl de de

sitāre tasḳhīr karne vaalā paḌosiyoñ se bhī be-ḳhabar hai
agar yahī hai urūj-e-ādam to phir hameñ tū zavāl de de

tirī taraf se javāb aa.e na aa.e parvā nahīñ hai is kī
yahī bahut hai ki ham ko yārab tū sirf izn-e-savāl de de

hamārī ā.ankhoñ se ashk Tapkeñ laboñ pe muskān dauḌtī ho
jo ham ne pahle kabhī na paayā tū ab ke aisā malāl de de

kabhī tumhāre qarīb rah kar bhī dūriyoñ ke azaab jheleñ
kabhī kabhī ye tumhārī furqat bhī ham ko lutf-e-visāl de de

utar lafzon ka ek zaKHira ghazal ko taza KHayal de de
KHud apni shohrat pe rashk aae suKHan mein aisa kamal de de

sitare tasKHir karne wala paDosiyon se bhi be-KHabar hai
agar yahi hai uruj-e-adam to phir hamein tu zawal de de

teri taraf se jawab aae na aae parwa nahin hai is ki
yahi bahut hai ki hum ko yarab tu sirf izn-e-sawal de de

hamari aaankhon se ashk Tapken labon pe muskan dauDti ho
jo hum ne pahle kabhi na paya tu ab ke aisa malal de de

kabhi tumhaare qarib rah kar bhi duriyon ke azab jhelen
kabhi kabhi ye tumhaari furqat bhi hum ko lutf-e-visal de de