Subscribe to our newsletter and get our newest updates

Tahira Jabeen Tara

  • Ghazal


ye aankh nam thi zaban par magar sawal na tha


ye aañkh nam thī zabāñ par magar savāl na thā
ham apnī zaat meñ gum the koī ḳhayāl na thā

sajā liyā hai hathelī pe ham ne us kā naam
is liye to bichhaḌ jaane kā malāl na thā

agarche mo'tabar Thahre the ham zamāne meñ
hamāre paas to aisā koī kamāl na thā

usī ke saath the ham us se be-ḳhabar rah kar
agarche rābta us se koī bahāl na thā

tire hī naam pe ye zindagī kaTī saarī
agarche terā kabhī bhī hameñ visāl na thā

ye aankh nam thi zaban par magar sawal na tha
hum apni zat mein gum the koi KHayal na tha

saja liya hai hatheli pe hum ne us ka nam
is liye to bichhaD jaane ka malal na tha

agarche mo'tabar Thahre the hum zamane mein
hamare pas to aisa koi kamal na tha

usi ke sath the hum us se be-KHabar rah kar
agarche rabta us se koi bahaal na tha

tere hi nam pe ye zindagi kaTi sari
agarche tera kabhi bhi hamein visal na tha


Leave a comment

+