chheḌā zarā sabā ne to gulnār ho ga.e
ġhunche bhī mah-jamāloñ ke ruḳhsār ho ga.e

vo log jin kī dasht-navardī kī dhuum thī
muddat huī ki sañg-e-dar-e-yār ho ga.e

sadiyoñ kā ġham simaT ke diloñ meñ utar gayā
ham log zindagī ke gunahgār ho ga.e

zulfoñ kī tarah pahle bhī bādal hasīn the
Dolī pavan to aur trahdār ho ga.e

chheDa zara saba ne to gulnar ho gae
ghunche bhi mah-jamalon ke ruKHsar ho gae

wo log jin ki dasht-nawardi ki dhum thi
muddat hui ki sang-e-dar-e-yar ho gae

sadiyon ka gham simaT ke dilon mein utar gaya
hum log zindagi ke gunahgar ho gae

zulfon ki tarah pahle bhi baadal hasin the
Doli pawan to aur trahdar ho gae

Source: Funoon(Jadeed Ghazal Number: Volume-002)