Warning: session_start(): open(/tmp/sess_ue1ehquit6tk6o9paha94gf293, O_RDWR) failed: No space left on device (28) in /razi/eraazi/darbari/chunmun/index.php on line 15
nigah-e-husn-e-mujassam ada ko chhute hi

Subscribe to our newsletter and get our newest updates

Zafar Moradabadi

  • Ghazal


nigah-e-husn-e-mujassam ada ko chhute hi


nigāh-e-husn-e-mujassam adā ko chhūte hī
gañvā.e hosh bhī us dilrubā ko chhūte hī

tamām phuul mahakne lage haiñ khil khil kar
chaman meñ shoḳhi-e-bād-e-sabā ko chhūte hī

mashām-e-jāñ meñ ajab hai surūr kā aalam
tasavvurāt meñ zulf-e-dotā ko chhūte hī

nigāh-e-shauq kī sab uñgliyāñ sulag uTThīñ
gulāb jism kī rañgīñ qabā ko chhūte hī

nazar ko hech nazar aa.e sab hasīñ manzar
bas ik shuā-e-ruḳh-e-jāñ-fazā ko chhūte hī

jo āñsuoñ se huī bā-vazū akele meñ
dar-e-qubūl khulā us duā ko chhūte hī

nahā.īñ shiddat-e-ehsās ke ujāle meñ
samā.ateñ mire soz-e-navā ko chhūte hī

hisār-e-zabt jo TuuTā to aañkh bhar aa.ī
dayār-e-ġhair meñ ik āshnā ko chhūte hī

lahū meñ Duub ke kāñTe bane charāġh 'zafar'
rah-e-vafā meñ ham āshufta-pā ko chhūte hī

nigah-e-husn-e-mujassam ada ko chhute hi
ganwae hosh bhi us dilruba ko chhute hi

tamam phul mahakne lage hain khil khil kar
chaman mein shoKHi-e-baad-e-saba ko chhute hi

masham-e-jaan mein ajab hai surur ka aalam
tasawwuraat mein zulf-e-dota ko chhute hi

nigah-e-shauq ki sab ungliyan sulag uTThin
gulab jism ki rangin qaba ko chhute hi

nazar ko hech nazar aae sab hasin manzar
bas ek shua-e-ruKH-e-jaan-faza ko chhute hi

jo aansuon se hui ba-wazu akele mein
dar-e-qubul khula us dua ko chhute hi

nahain shiddat-e-ehsas ke ujale mein
samaaten mere soz-e-nawa ko chhute hi

hisar-e-zabt jo TuTa to aankh bhar aai
dayar-e-ghair mein ek aashna ko chhute hi

lahu mein Dub ke kanTe bane charagh 'zafar'
rah-e-wafa mein hum aashufta-pa ko chhute hi


Leave a comment

+