Subscribe to our newsletter and get our newest updates

Nami Ansari

  • Ghazal


ye bazm-e-shab hai yahan ilm-o-agahi kam hai


ye bazm-e-shab hai yahāñ ilm-o-āgahī kam hai
ka.ī charāġh jale phir bhī raushnī kam hai

isī liye to mirī us se dostī kam hai
vo ḳhud-parast ziyāda hai aadmī kam hai

yahī bahut hai ki paanī ko chhū liyā ham ne
baḌā hai bahr-e-mohabbat shanāvarī kam hai

havā-e-garm chalī yuuñ ki bujh ga.e chehre
guloñ meñ ab ke baras bhī shaguftagī kam hai

kahāñ ke ishq-o-mohabbat kahāñ ke ilm-o-hunar
ḳhumār-e-shauq ziyāda hai āgahī kam hai

ḳhatā hai apnī ki māhaul hai zamāne kā
nigāh-e-garm bahut sulh-o-āshtī kam hai

fazā badalne se dil to badal nahīñ jaate
vo inqalāb hai kyā jis kī zindagī kam hai

ḳhayāl-e-tāza umaDte haiñ bādaloñ kī tarah
mujhe ye ġham ki mirā zarf-e-shā.irī kam hai

mirī duā.eñ sabhī rā.egāñ ga.iiñ 'nāmī'
na āsmān hai raushan na tīrgī kam hai

ye bazm-e-shab hai yahan ilm-o-agahi kam hai
kai charagh jale phir bhi raushni kam hai

isi liye to meri us se dosti kam hai
wo KHud-parast ziyaada hai aadmi kam hai

yahi bahut hai ki pani ko chhu liya hum ne
baDa hai bahr-e-mohabbat shanawari kam hai

hawa-e-garm chali yun ki bujh gae chehre
gulon mein ab ke baras bhi shaguftagi kam hai

kahan ke ishq-o-mohabbat kahan ke ilm-o-hunar
KHumar-e-shauq ziyaada hai aagahi kam hai

KHata hai apni ki mahaul hai zamane ka
nigah-e-garm bahut sulh-o-ashti kam hai

faza badalne se dil to badal nahin jate
wo inqalab hai kya jis ki zindagi kam hai

KHayal-e-taza umaDte hain baadalon ki tarah
mujhe ye gham ki mera zarf-e-shairi kam hai

meri duaen sabhi raegan gain 'nami'
na aasman hai raushan na tirgi kam hai


Source: Raushni-ai-raushni

Leave a comment

+