a ziist hameñ tañg na kar is se ziyāda
itnā to sahā ham ne magar is se ziyāda

ham ḳhud bhī kamar bāñdh ke tayyār haiñ qāsid
kyā hogī tire paas ḳhabar is se ziyāda

ye dil kī duā hai ise kuchh kam na samajhiye
hogā abhī kuchh aur asar is se ziyāda

ye soch ke kal raat hameñ niiñd na aa.ī
kal hogī girāñ aur sahar is se ziyāda

mumkin hai ye hañgāma abhī bas na samajh 'soz'
karnī ho tujhe umr basar is se ziyāda

a zist hamein tang na kar is se ziyaada
itna to saha hum ne magar is se ziyaada

hum KHud bhi kamar bandh ke tayyar hain qasid
kya hogi tere pas KHabar is se ziyaada

ye dil ki dua hai ise kuchh kam na samajhiye
hoga abhi kuchh aur asar is se ziyaada

ye soch ke kal raat hamein nind na aai
kal hogi giran aur sahar is se ziyaada

mumkin hai ye hangama abhi bas na samajh 'soz'
karni ho tujhe umr basar is se ziyaada

Source: Book : Gunaah-e-sukhan (Pg. 112) Author : Kanti Mohan 'Soz' Publication : Kanti Mohan 'Soz' (1990) Edition : 1990