maiñ ne baḳhsh dī tirī kyuuñ ḳhatā tujhe ilm hai
tujhe dī hai kitnī kaḌī sazā tujhe ilm hai

maiñ samajhtā thā tū hai apne husn se be-ḳhabar
tirī ik adā ne batā diyā tujhe ilm hai

mujhe zindagī ke qarīb le ga.ī justujū
marī justujū bhalā kaun thā tujhe ilm hai

maiñ ne dil kī baat kabhī na kī tire sāmne
mujhe umr bhar ye gumāñ rahā tujhe ilm hai

vo mirī galī jo mire liye huī ajnabī
kabhī vaañ the sab mire āshnā tujhe ilm hai

mirā haal dekh ke pūchhne lagā kyā huā
maiñ ne hañs ke sirf yahī kahā tujhe ilm hai

koī baat hai ki kināra-kash huuñ jahān se
kabhī mahfiloñ kī maiñ jaan thā tujhe ilm hai

main ne baKHsh di teri kyun KHata tujhe ilm hai
tujhe di hai kitni kaDi saza tujhe ilm hai

main samajhta tha tu hai apne husn se be-KHabar
teri ek ada ne bata diya tujhe ilm hai

mujhe zindagi ke qarib le gai justuju
mari justuju bhala kaun tha tujhe ilm hai

main ne dil ki baat kabhi na ki tere samne
mujhe umr bhar ye guman raha tujhe ilm hai

wo meri gali jo mere liye hui ajnabi
kabhi wan the sab mere aashna tujhe ilm hai

mera haal dekh ke puchhne laga kya hua
main ne hans ke sirf yahi kaha tujhe ilm hai

koi baat hai ki kinara-kash hun jahan se
kabhi mahfilon ki main jaan tha tujhe ilm hai