har haqīqat majāz ho jaa.e
kāfiroñ kī namāz ho jaa.e

dil rahīn-e-niyāz ho jaa.e
bekasī kārsāz ho jaa.e

minnat-e-chāra-sāz kaun kare
dard jab jāñ-navāz ho jaa.e

ishq dil meñ rahe to rusvā ho
lab pe aa.e to raaz ho jaa.e

lutf kā intizār kartā huuñ
jaur tā hadd-e-nāz ho jaa.e

umr be-sūd kaT rahī hai 'faiz'
kaash ifshā-e-rāz ho jaa.e

har haqiqat majaz ho jae
kafiron ki namaz ho jae

dil rahin-e-niyaz ho jae
bekasi karsaz ho jae

minnat-e-chaara-saz kaun kare
dard jab jaan-nawaz ho jae

ishq dil mein rahe to ruswa ho
lab pe aae to raaz ho jae

lutf ka intizar karta hun
jaur ta hadd-e-naz ho jae

umr be-sud kaT rahi hai 'faiz'
kash ifsha-e-raaz ho jae

Videos
This video is playing from YouTube Videos
This video is playing from YouTube Raghib Akhtar

Source: Book : Nuskha Hai Wafa (Pg. 29)