zindagī is tarah guzārī hai
silsila ḳhatm saañs jaarī hai
dard ġham ashk aur māyūsī
terī ummīd sab pe bhārī hai
maiñ ne DhūñDhī to muḳhtasar paa.ī
duniyā jo dikhtī itnī saarī hai
āñkheñ Dho kar ke thak ga.ī hoñgī
niiñd kā bojh sach meñ bhārī hai
khel khelā thā umr kā lekin
maut jiitī hayāt haarī hai
zindagi is tarah guzari hai
silsila KHatm sans jari hai
dard gham ashk aur mayusi
teri ummid sab pe bhaari hai
main ne DhunDhi to muKHtasar pai
duniya jo dikhti itni sari hai
aankhen Dho kar ke thak gai hongi
nind ka bojh sach mein bhaari hai
khel khela tha umr ka lekin
maut jiti hayat haari hai
Leave a comment