bahe saath ashk ke laḳht-e-jigar tak
na kī us ne mirī jānib nazar tak

abas sayyād ko hai bad-gumānī
nahīñ baazū meñ apne ek par tak

ḳhabar aa.ī marīz-e-dard-o-ġham kī
kahīñ pahuñche ḳhabar us be-ḳhabar tak

nazākat se lagī bal karne kyā kyā
abhī gesū na pahuñche the kamar tak

jiye jaate haiñ shakl-e-sham-e-sozāñ
na kuchh baaqī raheñge ham sahar tak

agar maiñ yaad hotā to na aate
magar bhūle se aa.e mere ghar tak

dam-e-girya thī ġhālib nā-tavānī
pahuñchte laḳht-e-dil kyā chashm-e-tar tak

ḳhudā jaane 'asar' ko kyā huā hai
rahā kartā hai chup do do pahar tak

bahe sath ashk ke laKHt-e-jigar tak
na ki us ne meri jaanib nazar tak

abas sayyaad ko hai bad-gumani
nahin bazu mein apne ek par tak

KHabar aai mariz-e-dard-o-gham ki
kahin pahunche KHabar us be-KHabar tak

nazakat se lagi bal karne kya kya
abhi gesu na pahunche the kamar tak

jiye jate hain shakl-e-sham-e-sozan
na kuchh baqi rahenge hum sahar tak

agar main yaad hota to na aate
magar bhule se aae mere ghar tak

dam-e-girya thi ghaalib na-tawani
pahunchte laKHt-e-dil kya chashm-e-tar tak

KHuda jaane 'asar' ko kya hua hai
raha karta hai chup do do pahar tak