Subscribe to our newsletter and get our newest updates

Kaifi Hyderabadi

  • Ghazal


arsa-e-har-do-jahan aalam-e-tanhai hai


arsa-e-har-do-jahāñ ālam-e-tanhā.ī hai
ki jidhar dekhiye tū hai tirī yaktā.ī hai

be-niyāzī hai ḳhud-ārā.ī hai ḳhud-rā.ī hai
aap kī jaane balā kaun tamannā.ī hai

paate haiñ lutf-e-hayāt-e-abadī tere shahīd
zab.h karnā tirā ejāz-e-masīhā.ī hai

tum ko 'kaifī' se ta.alluq to na hogā lekin
jān-pahchān mulāqāt shanāsā.ī hai

arsa-e-har-do-jahan aalam-e-tanhai hai
ki jidhar dekhiye tu hai teri yaktai hai

be-niyazi hai KHud-arai hai KHud-rai hai
aap ki jaane bala kaun tamannai hai

pate hain lutf-e-hayat-e-abadi tere shahid
zabh karna tera ejaz-e-masihai hai

tum ko 'kaifi' se talluq to na hoga lekin
jaan-pahchan mulaqat shanasai hai


Source: Book : Intekhab-e-Sukhan(Jild-2) (Pg. 261) Author : Hasrat Mohani Publication : uttar pradesh urdu academy (1983) Edition : 1983

Leave a comment

+