milne kā nahīñ rizq-e-muqaddar se sivā aur
kyā ghar meñ ḳhudā aur hai ġhurbat meñ ḳhudā aur

tum sāmne aate ho to chhupte ho sivā aur
parde kī hayā aur hai āñkhoñ kī hayā aur

kuchh aag lagā.egā na.ī shola-e-ruḳhsār
kuchh rañg dikhā.egā tirā rañg-e-hinā aur

insān vo kyā jis ko na ho paas zabāñ kā
ye koī tarīqa hai kahā aur kiyā aur

aa pahuñche haiñ manzil kī navāhī meñ 'zahīr' ab
haañ pā-e-talab hāriyo himmat na zarā aur

milne ka nahin rizq-e-muqaddar se siwa aur
kya ghar mein KHuda aur hai ghurbat mein KHuda aur

tum samne aate ho to chhupte ho siwa aur
parde ki haya aur hai aankhon ki haya aur

kuchh aag lagaega nai shola-e-ruKHsar
kuchh rang dikhaega tera rang-e-hina aur

insan wo kya jis ko na ho pas zaban ka
ye koi tariqa hai kaha aur kiya aur

aa pahunche hain manzil ki nawahi mein 'zahir' ab
han pa-e-talab haariyo himmat na zara aur

Source: Book : Intekhab-e-Sukhan(Jild-2) (Pg. 206) Author : Hasrat Mohani Publication : uttar pradesh urdu academy (1983) Edition : 1983