baat kaisī bhī ho andāz nayā detā thā
aise hañstā thā ki vo sab ko rulā detā thā

koī māyūs jo miltā to na rahtā be-ās
rañg chehre pe tabassum kā sajā detā thā

umr bhar ret pe chaltā rahā lekin vo shaḳhs
taptī rāhoñ pe harī ghaas bichhā detā thā

koī anjām-e-mohabbat kī jo bāteñ kartā
phuul ke chehre pe shabnam vo dikhā detā thā

mirī ġhalatī pe bigaḌtā bhī bahut thā lekin
aur phir mujh ko vo jī bhar ke duā detā thā

baat kaisi bhi ho andaz naya deta tha
aise hansta tha ki wo sab ko rula deta tha

koi mayus jo milta to na rahta be-as
rang chehre pe tabassum ka saja deta tha

umr bhar ret pe chalta raha lekin wo shaKHs
tapti rahon pe hari ghas bichha deta tha

koi anjam-e-mohabbat ki jo baaten karta
phul ke chehre pe shabnam wo dikha deta tha

meri ghalati pe bigaDta bhi bahut tha lekin
aur phir mujh ko wo ji bhar ke dua deta tha

Source: Book : Khushboo Rang Sada ke Sang (Pg. 40) Author : Preem Bhandari Publication : Westzone Culture Center Udaipur (2003) Edition : 2003