hasrat ai jaañ shab-e-judā.ī hai
muzhda ai dil ki maut aa.ī hai

tujh se maġhrūr kī jhukī gardan
phir bhī ik shān-e-kibriyā.ī hai

us ne talvār ko sambhālā hai
dekhiye kis kī maut aa.ī hai

phir gayā jab se vo sanam ba-ḳhudā
ham se bargashta ik ḳhudā.ī hai

baat sīdhī bhī vo nahīñ kartā
kaj-adā.ī se kaj-adā.ī hai

aap ko jāntā hai ā.īna
saaf ye us kī ḳhud-numā.ī hai

tum mire kaj-kulāh ko dekho
ye bhalā kis meñ mīrzā.ī hai

dil meñ aatā hai rāh-e-chashm se vo
ḳhuub ye rāh-e-āshnā.ī hai

male hasrat se haath dekh ke huur
ai parī terī vo kalā.ī hai

shāna us kā hai panja-e-ḳhurshīd
vaah kyā panja-e-hinā.ī hai

zāhido qudrat-e-ḳhudā dekho
but ko bhī dāva-e-ḳhudā.ī hai

haath pahuñchā na pā-e-qātil tak
tāle.oñ kī ye nā-rasā.ī hai

kaabe jaane se man.a karte haiñ
kyā butoñ ke hī ghar ḳhudā.ī hai

husn ne mulk-e-dil kiyā tārāj
hazrat-e-ishq kī duhā.ī hai

muñh hai 'goyā' kā us kā bosa le
baat dushman ne ye banā.ī hai

hasrat ai jaan shab-e-judai hai
muzhda ai dil ki maut aai hai

tujh se maghrur ki jhuki gardan
phir bhi ek shan-e-kibriyai hai

us ne talwar ko sambhaala hai
dekhiye kis ki maut aai hai

phir gaya jab se wo sanam ba-KHuda
hum se bargashta ek KHudai hai

baat sidhi bhi wo nahin karta
kaj-adai se kaj-adai hai

aap ko jaanta hai aaina
saf ye us ki KHud-numai hai

tum mere kaj-kulah ko dekho
ye bhala kis mein mirzai hai

dil mein aata hai rah-e-chashm se wo
KHub ye rah-e-ashnai hai

male hasrat se hath dekh ke hur
ai pari teri wo kalai hai

shana us ka hai panja-e-KHurshid
wah kya panja-e-hinai hai

zahido qudrat-e-KHuda dekho
but ko bhi dawa-e-KHudai hai

hath pahuncha na pa-e-qatil tak
taleon ki ye na-rasai hai

kabe jaane se mana karte hain
kya buton ke hi ghar KHudai hai

husn ne mulk-e-dil kiya taraj
hazrat-e-ishq ki duhai hai

munh hai 'goya' ka us ka bosa le
baat dushman ne ye banai hai

RECITATIONS Nomaan Shauque



00:00/00:00 hasrat ai jaan shab-e-judai hai Nomaan Shauque