Subscribe to our newsletter and get our newest updates

Habeeb Kaifi

  • Ghazal


jadu-Tona jaanta hai


jādū-Tonā jāntā hai
ġhā.eb honā jāntā hai

dost hai vo gahrā lekin
dushman honā jāntā hai

terī aahaT ko us ghar kā
konā konā jāntā hai

rishtoñ kī turpāī karnā
siinā pironā jāntā hai

bachchoñ ko vo hīre-motī
chāñdī-sonā jāntā hai

paap nahīñ hai jis ke dil meñ
chain se sonā jāntā hai

apne matlab kī ḳhātir vo
sab kuchh honā jāntā hai

hañsnā aa jaatā hai us ko
jo bhī ronā jāntā hai

jadu-Tona jaanta hai
ghaeb hona jaanta hai

dost hai wo gahra lekin
dushman hona jaanta hai

teri aahaT ko us ghar ka
kona kona jaanta hai

rishton ki turpai karna
sina pirona jaanta hai

bachchon ko wo hire-moti
chandi-sona jaanta hai

pap nahin hai jis ke dil mein
chain se sona jaanta hai

apne matlab ki KHatir wo
sab kuchh hona jaanta hai

hansna aa jata hai us ko
jo bhi rona jaanta hai


Leave a comment

+