ai ham-safar ye rāh-barī kā gumān chhoḌ
kis ne kahā hai tujh se qadam ke nishān chhoḌ

phir dekh zindagī ke maze tajraboñ ke rañg
bāhar qadam nikāl zarā sā.ebān chhoḌ

ab dostī nahīñ na sahī dushmanī sahī
koī to rābte kī kaḌī darmiyān chhoḌ

us kī vafā.eñ sirf havāoñ ke saath haiñ
ye etimād-e-dostī-e-bādbān chhoḌ

talvār kī zabān samajhne lage haiñ log
ab ye mahātmāoñ kā tarz-e-bayān chhoḌ

jo tere sar-parast the kab ke chale ga.e
firqa-parastī tū bhī ye hindostān chhoḌ

baaqī jo bach rahe haiñ vo circus ke sher haiñ
murda huā ye dasht shikārī machān chhoḌ

ai ham-safar ye rah-bari ka guman chhoD
kis ne kaha hai tujh se qadam ke nishan chhoD

phir dekh zindagi ke maze tajrabon ke rang
bahar qadam nikal zara saeban chhoD

ab dosti nahin na sahi dushmani sahi
koi to rabte ki kaDi darmiyan chhoD

us ki wafaen sirf hawaon ke sath hain
ye etimad-e-dosti-e-baadban chhoD

talwar ki zaban samajhne lage hain log
ab ye mahatmaon ka tarz-e-bayan chhoD

jo tere sar-parast the kab ke chale gae
firqa-parasti tu bhi ye hindostan chhoD

baqi jo bach rahe hain wo circus ke sher hain
murda hua ye dasht shikari machan chhoD

Source: Rooh-e-Ghazal,Pachas Sala Intekhab