tamāshe chuTkule taalī meñ mat rakh
adab ko aisī bad-halī meñ mat rakh

ki zahr ho jā.eñge pakvān saare
unheñ ehsās kī thālī meñ mat rakh

ḳhayāloñ kā parinda kah rahā hai
mujhe ākāsh de jaalī meñ mat rakh

udāsī ḳhuun meñ ghul jā.egī phir
use tū chaa.e kī pyālī meñ mat rakh

baḌak-pan peḌ sikhlāte haiñ ham ko
pake phal ko kabhī Daalī meñ mat rakh

kamāne meñ bahut kuchh kho gayā hai
kisī ko aisī kañgālī meñ mat rakh

tamashe chuTkule tali mein mat rakh
adab ko aisi bad-hali mein mat rakh

ki zahr ho jaenge pakwan sare
unhen ehsas ki thaali mein mat rakh

KHayalon ka parinda kah raha hai
mujhe aakash de jali mein mat rakh

udasi KHun mein ghul jaegi phir
use tu chae ki pyali mein mat rakh

baDak-pan peD sikhlate hain hum ko
pake phal ko kabhi Dali mein mat rakh

kamane mein bahut kuchh kho gaya hai
kisi ko aisi kangali mein mat rakh

Source: Book : Itwar chhota pad gaya (Pg. 140) Author : Pratap Somvanshi Publication : Vani Prakashan (2016) Edition : 2016