Subscribe to our newsletter and get our newest updates

zafar iqbal zafar

  • Ghazal


zindagi ko kar gaya jangal koi


zindagī ko kar gayā jañgal koī
le gayā ḳhushiyoñ kā merī pal koī

dhañs rahā hai har qadam merā yahāñ
raah meñ darpesh hai daldal koī

koī kañkar pheñkne vaalā nahīñ
kaise phir ho jhiil meñ halchal koī

zindagī thī ek sahrā kī tarah
zindagī ko kar gayā jal-thal koī

hosh bhī apnā nahīñ rahtā mujhe
kar rahā kitnā 'zafar' pāgal koī

zindagi ko kar gaya jangal koi
le gaya KHushiyon ka meri pal koi

dhans raha hai har qadam mera yahan
rah mein darpesh hai daldal koi

koi kankar phenkne wala nahin
kaise phir ho jhil mein halchal koi

zindagi thi ek sahra ki tarah
zindagi ko kar gaya jal-thal koi

hosh bhi apna nahin rahta mujhe
kar raha kitna 'zafar' pagal koi


Leave a comment

+