Subscribe to our newsletter and get our newest updates

Jaleel Aali

  • Ghazal


aankh mein partaw-e-mahtab salamat rah jae


aañkh meñ partav-e-mahtāb salāmat rah jaa.e
koī sūrat ho ki ik ḳhvāb salāmat rah jaa.e

roz Dahe jaa.e ye haarā tan o jaañ kā lekin
Dher meñ ik dil-e-be-tāb salāmat rah jaa.e

vo kisī ḳhair ḳhazāne kī ḳhabar detā hai
jo safīna pas-e-sailāb salāmat rah jaa.e

dil kisī mauj-e-junūñ meñ jo lahū se likh de
aisī tahrīr sar-e-āb salāmat rah jaa.e

pyaar vo peḌ hai sau baar ukhāḌo dil se
phir bhī siine meñ koī daab salāmat rah jaa.e

laakh vo shauq-sahīfoñ ko jalā leñ 'ālī'
raakh meñ ek na ik baab salāmat rah jaa.e

aankh mein partaw-e-mahtab salamat rah jae
koi surat ho ki ek KHwab salamat rah jae

roz Dahe jae ye haara tan o jaan ka lekin
Dher mein ek dil-e-be-tab salamat rah jae

wo kisi KHair KHazane ki KHabar deta hai
jo safina pas-e-sailab salamat rah jae

dil kisi mauj-e-junun mein jo lahu se likh de
aisi tahrir sar-e-ab salamat rah jae

pyar wo peD hai sau bar ukhaDo dil se
phir bhi sine mein koi dab salamat rah jae

lakh wo shauq-sahifon ko jala len 'ali'
rakh mein ek na ek bab salamat rah jae


Leave a comment

+