Subscribe to our newsletter and get our newest updates

Jafar Abbas Safvi

  • Ghazal


dasht mein gulshan mein har ja ki hai teri justuju


dasht meñ gulshan meñ har jā kī hai terī justujū
ab kahāñ le jā rahā hai ai fareb-e-rañg-o-bū

aap itnā to batā deñ kab karam hogā huzūr
kab muravvat meñ badal jā.egī ye nafrat kī ḳhū

sādgī-e-dil pe apnī rashk aatā hai mujhe
ik vafā nā-āshnā se hai vafā kī aarzū

ishq kī manzil meñ lākhoñ kārvāñ gum ho ga.e
rahrav-e-rāh-e-mohabbat kyā kareñge justujū

rah ga.e haiñ ab to le de kar dil-e-barbād meñ
hasrat-e-dīdār kā ġham aur terī aarzū

de rahī hai apne dāman kī havā bād-e-sahar
terī zulf-e-ambarīñ hai ik jahān-e-rañg-o-bū

jab kabhī saaqī ne 'ja.afar' apnī nazreñ pher liiñ
mai-kade meñ pī liyā hai maiñ ne armāñ kā lahū

dasht mein gulshan mein har ja ki hai teri justuju
ab kahan le ja raha hai ai fareb-e-rang-o-bu

aap itna to bata den kab karam hoga huzur
kab murawwat mein badal jaegi ye nafrat ki KHu

sadgi-e-dil pe apni rashk aata hai mujhe
ek wafa na-ashna se hai wafa ki aarzu

ishq ki manzil mein lakhon karwan gum ho gae
rahraw-e-rah-e-mohabbat kya karenge justuju

rah gae hain ab to le de kar dil-e-barbaad mein
hasrat-e-didar ka gham aur teri aarzu

de rahi hai apne daman ki hawa baad-e-sahar
teri zulf-e-ambarin hai ek jahan-e-rang-o-bu

jab kabhi saqi ne 'jafar' apni nazren pher lin
mai-kade mein pi liya hai main ne arman ka lahu


Source: Book : SAAZ-O-NAVA (Pg. 126) Publication : Raghu Nath suhai ummid

Leave a comment

+