ammāñ se mile biivī ke zevar kī tarah hai
ḳhuddārī mire paas dharohar kī tarah hai

is moḌ pe pahuñchā hai ka.ī saal gañvā kar
vo shaḳhs bhī qistoñ meñ bane ghar kī tarah hai

aa jā.egā āsānī se ab mujh ko sambhalnā
aadat tirī mere liye Thokar kī tarah hai

aatā hai vahī kaam musībat ke dinoñ meñ
farzand mire ghar meñ bhī lofar kī tarah haiñ

amman se mile biwi ke zewar ki tarah hai
KHuddari mere pas dharohar ki tarah hai

is moD pe pahuncha hai kai sal ganwa kar
wo shaKHs bhi qiston mein bane ghar ki tarah hai

aa jaega aasani se ab mujh ko sambhalna
aadat teri mere liye Thokar ki tarah hai

aata hai wahi kaam musibat ke dinon mein
farzand mere ghar mein bhi lofar ki tarah hain

Source: Book : Itwar chhota pad gaya (Pg. 81) Author : Pratap Somvanshi Publication : Vani Prakashan (2016) Edition : 2016