Subscribe to our newsletter and get our newest updates

Vikas Sharma Raaz

  • Ghazal


dagh hone lage zahir mere


daaġh hone lage zāhir mere
tez kar rañg musavvir mere

merī āñkhoñ meñ siyāhī bhar de
yā hare kar de manāzir mere

nuqra.ī jhiil bulātī thī unheñ
phañs ga.e jaal meñ taa.ir mere

kaun tahlīl huā hai mujh meñ
muntashir kyuuñ haiñ anāsir mere

hai kahāñ shañkh bajāne vaalā
kab se ḳhāmosh haiñ mandir mere

sañg se jism bhī kar ab mujh ko
tū kahāñ khoyā hai sāhir mere

lafz kī qaid-o-rihā.ī kā hunar
kaam aa hī gayā āḳhir mere

dagh hone lage zahir mere
tez kar rang musawwir mere

meri aankhon mein siyahi bhar de
ya hare kar de manazir mere

nuqrai jhil bulati thi unhen
phans gae jal mein tair mere

kaun tahlil hua hai mujh mein
muntashir kyun hain anasir mere

hai kahan shankh bajaane wala
kab se KHamosh hain mandir mere

sang se jism bhi kar ab mujh ko
tu kahan khoya hai sahir mere

lafz ki qaid-o-rihai ka hunar
kaam aa hi gaya aaKHir mere


Leave a comment

+