zabān raqs meñ hai aur jhūmtā huuñ maiñ
ki dāstān-e-mohabbat sunā rahā huuñ maiñ

na pūchh mujh se mirī be-ḳhudī kā afsāna
kisī kī mast-nigāhī kā mājrā huuñ maiñ

kahāñ kā zabt-e-mohabbat kahāñ kī tāsīreñ
tasalliyāñ dil-e-muztar ko de rahā huuñ maiñ

phir ek shola-e-pur-pech-o-tāb bhaḌkegā
ki chand tinkoñ ko tartīb de rahā huuñ maiñ

tumhāre ishq meñ miT kar tumheñ dikhā dūñgā
nigāh-e-nāz kā īmāñ samajh gayā huuñ maiñ

zaban raqs mein hai aur jhumta hun main
ki dastan-e-mohabbat suna raha hun main

na puchh mujh se meri be-KHudi ka afsana
kisi ki mast-nigahi ka majra hun main

kahan ka zabt-e-mohabbat kahan ki tasiren
tasalliyan dil-e-muztar ko de raha hun main

phir ek shola-e-pur-pech-o-tab bhaDkega
ki chand tinkon ko tartib de raha hun main

tumhaare ishq mein miT kar tumhein dikha dunga
nigah-e-naz ka iman samajh gaya hun main

RECITATIONS Nomaan Shauque



00:00/00:00 zaban raqs mein hai aur jhumta hun main Nomaan Shauque