Subscribe to our newsletter and get our newest updates

Imdad Ali Bahr

  • Ghazal


bad-talai ka ilaj kya ho


bad-tāla.ī kā ilaaj kyā ho
āzār bhī ho to lā-davā ho

ā.īne kī shakl ḳhud-numā.ī ho
be-dīd ho sūrat-āshnā ho

husn-e-namkīn ko le ke chāTeñ
jab apnī hī ziist be-mazā ho

ai dard-e-firāq ke marīzoñ
gharrā lage is tarah karāho

mahram ke jo band khol de yaar
bañgla mire haq meñ dil-kushā ho

kyā hai mujhe dete ho gilaurī
chūne meñ kahīñ na sañkhiyā ho

dekhe na mizha kī sozan aise
se ve jo kisī kā dil phaTā ho

qaazī ko jo riñd kuchh chaTā deñ
masjid kī baġhal meñ mai-kada ho

paayā na mizāj mar miTe ham
kyā jāniye kis ke āshnā ho

maġhrūr ho apne husn par yaar
kyā ġham koī ḳhush ho yā ḳhafā ho

yaar aa.e jo mere ghar murād aa.e
jāgeñ jo nasīb rat-jagā ho

saa.e se tumhāre bach ke chaliye
dīvāna banāne ko balā ho

mash.al na savārī meñ rahe saana
ghoḌā na kahīñ charāġh-pā ho

vo chaal chalo ki dil ho tasḳhīr
hub kā ta.avīz naqsh-e-pā ho

chāhūñ jo falak se farsh-e-mātam
TuuTā bhī na guhar meñ na boriyā ho

phir merī taraf phirā vo qātil
tasma na kahīñ lagā rahā ho

jo ek kahoge do sunoge
parvāh nahīñ ḳhush ho yā ḳhafā ho

mumtāz haiñ kushtagān-e-ma.ashūq
hai ain karam agar jafā ho

vo merī jo boTiyāñ uḌā.īñ
jarjīs kā martaba atā ho

dam nikle hujūm-e-ġham meñ kyuuñ kar
kuchh bhiiḌ chhaTe to rāsta ho

duniyā se uThe marīz-e-furqat
ai dār-e-masīh tū asā ho

sabze meñ chah-e-zaqan hai ḳhas-posh
aisā na ho ḳhizr se daġhā ho

ham zaḳhm-e-jigar nahīñ dikhāte
āñkheñ na churāo ḳhush-nigāho

pesh aao har ik se ā.īna-dār
begāna ho yā ki āshnā ho

sīkho ye tarīq-e-ādamiyat
jo chaal chalo use nibāho

talvār abrū kī vo ḳharīdī
jo muft sar apnā bechtā ho

chamke jo sitāra-e-bulandī
tā.ūs-e-falak mujhe humā ho

ai 'bahr' nahīñ hai un talavvun tel
maftūñ na kisī ke ḳhaal kā ho

bad-talai ka ilaj kya ho
aazar bhi ho to la-dawa ho

aaine ki shakl KHud-numai ho
be-did ho surat-ashna ho

husn-e-namkin ko le ke chaTen
jab apni hi zist be-maza ho

ai dard-e-firaq ke marizon
gharra lage is tarah karaho

mahram ke jo band khol de yar
bangla mere haq mein dil-kusha ho

kya hai mujhe dete ho gilauri
chune mein kahin na sankhiya ho

dekhe na mizha ki sozan aise
se we jo kisi ka dil phaTa ho

qazi ko jo rind kuchh chaTa den
masjid ki baghal mein mai-kada ho

paya na mizaj mar miTe hum
kya jaaniye kis ke aashna ho

maghrur ho apne husn par yar
kya gham koi KHush ho ya KHafa ho

yar aae jo mere ghar murad aae
jagen jo nasib rat-jaga ho

sae se tumhaare bach ke chaliye
diwana banane ko bala ho

mashal na sawari mein rahe sana
ghoDa na kahin charagh-pa ho

wo chaal chalo ki dil ho tasKHir
hub ka tawiz naqsh-e-pa ho

chahun jo falak se farsh-e-matam
TuTa bhi na guhar mein na boriya ho

phir meri taraf phira wo qatil
tasma na kahin laga raha ho

jo ek kahoge do sunoge
parwah nahin KHush ho ya KHafa ho

mumtaz hain kushtagan-e-mashuq
hai ain karam agar jafa ho

wo meri jo boTiyan uDain
jarjis ka martaba ata ho

dam nikle hujum-e-gham mein kyun kar
kuchh bhiD chhaTe to rasta ho

duniya se uThe mariz-e-furqat
ai dar-e-masih tu asa ho

sabze mein chah-e-zaqan hai KHas-posh
aisa na ho KHizr se dagha ho

hum zaKHm-e-jigar nahin dikhate
aankhen na churao KHush-nigaho

pesh aao har ek se aaina-dar
begana ho ya ki aashna ho

sikho ye tariq-e-adamiyat
jo chaal chalo use nibaho

talwar abru ki wo KHaridi
jo muft sar apna bechta ho

chamke jo sitara-e-bulandi
taus-e-falak mujhe huma ho

ai 'bahr' nahin hai un talawwun tel
maftun na kisi ke KHal ka ho


Leave a comment

+