Subscribe to our newsletter and get our newest updates

Kashif Husain Ghair

  • Ghazal


har sham dilati hai use yaad hamari


har shaam dilātī hai use yaad hamārī
itnī to havā kartī hai imdād hamārī

kuchh haiñ bhī agar ham to giraftār haiñ apne
zanjīr nazar aatī hai āzād hamārī

ye shahr nazar aatā hai ham-zād hamārā
aur gard nazar aatī hai fariyād hamārī

ye raah batā saktī hai ham kaun haiñ kyā haiñ
ye dhuul sunā saktī hai rūdād hamārī

ham gosha-nashīnoñ se hai mānūs kuchh aisī
jaise ki ye tanhā.ī ho aulād hamārī

achchhā hai ki dīvār ke saa.e se raheñ duur
paḌ jaa.e na dīvār pe uftād hamārī

har sham dilati hai use yaad hamari
itni to hawa karti hai imdad hamari

kuchh hain bhi agar hum to giraftar hain apne
zanjir nazar aati hai aazad hamari

ye shahr nazar aata hai ham-zad hamara
aur gard nazar aati hai fariyaad hamari

ye rah bata sakti hai hum kaun hain kya hain
ye dhul suna sakti hai rudad hamari

hum gosha-nashinon se hai manus kuchh aisi
jaise ki ye tanhai ho aulad hamari

achchha hai ki diwar ke sae se rahen dur
paD jae na diwar pe uftad hamari


Leave a comment

+