Subscribe to our newsletter and get our newest updates

Imran Rahib

  • Ghazal


ghar se nikal ke shahr ke raste ko ghurna


ghar se nikal ke shahr ke raste ko ghūrnā
phir ġham-zada sī nazm ke misre ko ghūrnā

do mashġhale aziiz haiñ is hijr-zād ko
bistar pe leTnā kabhī pañkhe ko ghūrnā

hargiz nahīñ huuñ maiñ nahīñ huuñ koī aur hai
pāgal sā aks dekh ke shīshe ko ghūrnā

dīvāngī ke ḳhauf se phir chīḳh chīḳh kar
kamre meñ jhāñkte hue bachche ko ghūrnā

kis haal jī rahā huuñ maiñ chāho jo jānñā
to dhuup meñ khaḌe hue paude ko ghūrnā

'rāhib' dukhoñ kī gard meñ lipTe sitam-zarīf
ashkoñ kā bojh jhelte takiye ko ghūrnā

ghar se nikal ke shahr ke raste ko ghurna
phir gham-zada si nazm ke misre ko ghurna

do mashghale aziz hain is hijr-zad ko
bistar pe leTna kabhi pankhe ko ghurna

hargiz nahin hun main nahin hun koi aur hai
pagal sa aks dekh ke shishe ko ghurna

diwangi ke KHauf se phir chiKH chiKH kar
kamre mein jhankte hue bachche ko ghurna

kis haal ji raha hun main chaho jo jaanna
to dhup mein khaDe hue paude ko ghurna

'rahib' dukhon ki gard mein lipTe sitam-zarif
ashkon ka bojh jhelte takiye ko ghurna


Leave a comment

+