maanā maqām-e-ishrat-e-hastī buland hai
maiñ dil ko kyā karūñ ki use nā-pasand hai

tum ko hijāb mujh ko tamāsha pasand hai
merī nazar tumhārī nazar se buland hai

allāh re dil kī ishq meñ dīvāna-vāriyāñ
adnesha-e-ziyāñ hai na ḳhauf-e-gazand hai

āñkhoñ meñ aa chukī hai mohabbat kī vārdāt
tūfān-e-be-panāh piyāloñ meñ band hai

ab un kā intiḳhāb karegā ye faisla
ulfat buland hai ki tamannā buland hai

'māhir' azal meñ dil ne kiyā ġham kā intiḳhāb
un kī ḳhatā nahīñ hai ye dil kī pasand hai

mana maqam-e-ishrat-e-hasti buland hai
main dil ko kya karun ki use na-pasand hai

tum ko hijab mujh ko tamasha pasand hai
meri nazar tumhaari nazar se buland hai

allah re dil ki ishq mein diwana-wariyan
adnesha-e-ziyan hai na KHauf-e-gazand hai

aankhon mein aa chuki hai mohabbat ki wardat
tufan-e-be-panah piyalon mein band hai

ab un ka intiKHab karega ye faisla
ulfat buland hai ki tamanna buland hai

'mahir' azal mein dil ne kiya gham ka intiKHab
un ki KHata nahin hai ye dil ki pasand hai

Source: Rooh-e-Ghazal,Pachas Sala Intekhab