jiinā kab tak muhāl hogā
āḳhir ik din visāl hogā

gar na TuuTe ye shīsha-e-dil
terā husn kamāl hogā

tum to taḌpā ke jā rahe ho
dil ye kaise bahāl hogā

chhūne vaalā tirī jabīñ ko
merā dast-e-ḳhayāl hogā

tere lab pe rahe ḳhamoshī
mere lab pe savāl hogā

us kī nibhtī bhī hai kisī se
'josh' kyā terā haal hogā

jina kab tak muhaal hoga
aaKHir ek din visal hoga

gar na TuTe ye shisha-e-dil
tera husn kamal hoga

tum to taDpa ke ja rahe ho
dil ye kaise bahaal hoga

chhune wala teri jabin ko
mera dast-e-KHayal hoga

tere lab pe rahe KHamoshi
mere lab pe sawal hoga

us ki nibhti bhi hai kisi se
'josh' kya tera haal hoga