Subscribe to our newsletter and get our newest updates

Dinesh Kumar

  • Ghazal


har kaam yun karo ki hunar bolne lage


har kaam yuuñ karo ki hunar bolne lage
mehnat dikhe sabhī ko asar bolne lage

is bevafā se bolnā tauhīn thī mirī
lekin ye mere zaḳhm-e-jigar bolne lage

tahzīb chup hai ilm-o-adab aaj sharmsār
dekho pitā ke muñh pe pisar bolne lage

āñkhoñ se maiñ zabān kā aise bhī kaam luuñ
jo bhī maiñ kahnā chāhūñ nazar bolne lage

sab ham ko but-parast samajhte rahe magar
aise tarāshe ham ne hajar bolne lage

dair-o-haram ke naam pe jab shahar baT gayā
donoñ taraf se teġh-o-tabar bolne lage

maiñ ne ġhazal sunā.ī 'zafar' kī zamīn meñ
sab dost mere mujh ko zafar bolne lage

tū hai 'dinesh' aur vo hai chaudhvīñ kā chāñd
aapas meñ kab se shams-o-qamar bolne lage

har kaam yun karo ki hunar bolne lage
mehnat dikhe sabhi ko asar bolne lage

is bewafa se bolna tauhin thi meri
lekin ye mere zaKHm-e-jigar bolne lage

tahzib chup hai ilm-o-adab aaj sharmsar
dekho pita ke munh pe pisar bolne lage

aankhon se main zaban ka aise bhi kaam lun
jo bhi main kahna chahun nazar bolne lage

sab hum ko but-parast samajhte rahe magar
aise tarashe hum ne hajar bolne lage

dair-o-haram ke nam pe jab shahar baT gaya
donon taraf se tegh-o-tabar bolne lage

main ne ghazal sunai 'zafar' ki zamin mein
sab dost mere mujh ko zafar bolne lage

tu hai 'dinesh' aur wo hai chaudhwin ka chand
aapas mein kab se shams-o-qamar bolne lage


Source: Book : Word File Mail By Salim Saleem

Leave a comment

+