Subscribe to our newsletter and get our newest updates

M. Usman Shakir

  • Ghazal


udas rut mein tere baad ki kahani hai


udaas rut meñ tire baad kī kahānī hai
sukūt-e-dil hai tire ġham kī jāñ-fishānī hai

na tere saath guzarte to ham guzar jaate
yahī hai baat agarche zarā purānī hai

mohabbatoñ ke Dase haiñ to nafrateñ lā do
ki ye bhī apne buzurgoñ kī ik nishānī hai

vafā kī baat na kar ḳhvāhisheñ bachā apnī
mujhe aziiz ta.alluq tujhe javānī hai

ga.e dinoñ ke marāsim kī baat hai 'shākir'
vagarna us se mohabbat kise nibhānī hai

udas rut mein tere baad ki kahani hai
sukut-e-dil hai tere gham ki jaan-fishani hai

na tere sath guzarte to hum guzar jate
yahi hai baat agarche zara purani hai

mohabbaton ke Dase hain to nafraten la do
ki ye bhi apne buzurgon ki ek nishani hai

wafa ki baat na kar KHwahishen bacha apni
mujhe aziz talluq tujhe jawani hai

gae dinon ke marasim ki baat hai 'shakir'
wagarna us se mohabbat kise nibhani hai


Leave a comment

+