Subscribe to our newsletter and get our newest updates

Faez Dehlvi

  • Ghazal


dhup sa yu kapul nari hai


dhuup sā yū kapūl naarī hai
kiran sūraj kī vo kanārī hai

chhup raqībāñ suuñ aanā nahiñ vo chāñd
kyā rain hijr kī añdiyārī hai

nahiñ asar kartā sabr kā marham
dil-e-āshiq meñ zaḳhm kaarī hai

gul-e-bāġh-e-junūñ hai rusvā.ī
izzat-e-mulk-e-ishq ḳhvārī hai

ḳhūn-e-dil bāda-o-jigar hai kabāb
naġhma-e-bazm-e-vasl zaarī hai

lailā majnūñ kā zikr sard huā
ab tumhārī hamārī baarī hai

milnā āshiq suuñ hī bahāne suuñ
ye nasīhat tuman hamārī hai

mujh kuuñ mat jaano yaad suuñ ġhāfil
raat din dil kuuñ lau tumārī hai

dil bañdhā saḳht terī zulfāñ par
aql 'fā.ez' kī un bisārī hai

dhup sa yu kapul nari hai
kiran suraj ki wo kanari hai

chhup raqiban sun aana nahin wo chand
kya rain hijr ki andiyari hai

nahin asar karta sabr ka marham
dil-e-ashiq mein zaKHm kari hai

gul-e-bagh-e-junun hai ruswai
izzat-e-mulk-e-ishq KHwari hai

KHun-e-dil baada-o-jigar hai kabab
naghma-e-bazm-e-wasl zari hai

laila majnun ka zikr sard hua
ab tumhaari hamari bari hai

milna aashiq sun hi bahane sun
ye nasihat tuman hamari hai

mujh kun mat jaano yaad sun ghafil
raat din dil kun lau tumari hai

dil bandha saKHt teri zulfan par
aql 'faez' ki un bisari hai


Source: Dewan-e-Faiz

Leave a comment

+