ham na but-ḳhāne meñ ne masjid-e-vīrāñ meñ rahe
hasrat-o-ārzū-e-jalva-e-jānāñ meñ rahe

ḳhuuñ hai vo jis se ki ho dāman-e-qātil rañgīñ
ḳhuun fāsid hai jo ḳhālī sar-e-mizhgāñ meñ rahe

ham ne masnūa se saan.e kī haqīqat paa.ī
be-sabab ham nahīñ nazzāra-e-ḳhūbāñ meñ rahe

sub.h ḳhurshīd ko dekhā havas-e-āriz meñ
shaam se raushnī-e-sham-e-shabistāñ meñ rahe

toḌā zunnār ko tasbīh ko pheñkā ham ne
ishq-e-ruḳh thā havas-e-nūr-e-daraḳhshāñ meñ rahe

jā-ba-jā ham ko rahī jalva-e-jānāñ kī talāsh
dair-o-ka.aba meñ phire sohbat-e-rahbāñ meñ rahe

ḳhalvat-e-dil kī na kuchh qadr ko samjhe haajī
tauf-e-ka.aba ke liye dasht-o-bayābāñ meñ rahe

un asīroñ ko hui qaid-e-ta.ayyun se najāt
jo ki pāband tire gesu-e-pechāñ meñ rahe

is zamīñ meñ ġhazal ik aur bhī likkho 'bahrām'
ye do-ġhazla to bhalā aap ke dīvāñ meñ rahe

hum na but-KHane mein ne masjid-e-viran mein rahe
hasrat-o-arzu-e-jalwa-e-jaanan mein rahe

KHun hai wo jis se ki ho daman-e-qatil rangin
KHun fasid hai jo KHali sar-e-mizhgan mein rahe

hum ne masnua se sane ki haqiqat pai
be-sabab hum nahin nazzara-e-KHuban mein rahe

subh KHurshid ko dekha hawas-e-ariz mein
sham se raushni-e-sham-e-shabistan mein rahe

toDa zunnar ko tasbih ko phenka hum ne
ishq-e-ruKH tha hawas-e-nur-e-daraKHshan mein rahe

ja-ba-ja hum ko rahi jalwa-e-jaanan ki talash
dair-o-kaba mein phire sohbat-e-rahban mein rahe

KHalwat-e-dil ki na kuchh qadr ko samjhe haji
tauf-e-kaba ke liye dasht-o-bayaban mein rahe

un asiron ko hui qaid-e-tayyun se najat
jo ki paband tere gesu-e-pechan mein rahe

is zamin mein ghazal ek aur bhi likkho 'bahram'
ye do-ghazla to bhala aap ke diwan mein rahe

Source: Deewan-e-Bahram