Subscribe to our newsletter and get our newest updates

Madan Mohan Danish

  • Ghazal


hai intizar muqaddar to intizar karo


hai intizār muqaddar to intizār karo
par apne dil kī fazā ko bhī ḳhush-gavār karo

tumhāre pīchhe lagī haiñ udāsiyāñ kab se
kisī paḌāv par ruk kar inheñ shikār karo

hamāre ḳhvāboñ kā dar khaTkhaTātī rahtī haiñ
tum apnī yādoñ ko samjhāo hoshiyār karo

bhalī lagegī yahī zindagī agar us meñ
ḳhayāl-o-ḳhvāb kī duniyā ko bhī shumār karo

bharosa ba.ad meñ kar lenā saarī duniyā par
tum apne aap par to pahle e.atibār karo

hai intizar muqaddar to intizar karo
par apne dil ki faza ko bhi KHush-gawar karo

tumhaare pichhe lagi hain udasiyan kab se
kisi paDaw par ruk kar inhen shikar karo

hamare KHwabon ka dar khaTkhaTati rahti hain
tum apni yaadon ko samjhao hoshiyar karo

bhali lagegi yahi zindagi agar us mein
KHayal-o-KHwab ki duniya ko bhi shumar karo

bharosa baad mein kar lena sari duniya par
tum apne aap par to pahle eatibar karo


Leave a comment

+