har baar hī maiñ jaan se jaane meñ rah gayā
maiñ rasm-e-zindagī jo nibhāne meñ rah gayā

aatā hai merī samt ġhamoñ kā nayā hujūm
allāh maiñ ye kaise zamāne meñ rah gayā

vo mausam-e-bahār meñ aa kar chale ga.e
phūloñ ke maiñ charāġh jalāne meñ rah gayā

sāthī mire kahāñ se kahāñ tak pahuñch ga.e
maiñ zindagī ke naaz uThāne meñ rah gayā

daar o rasan sajā.e ga.e jis ke vāste
ik aisā shaḳhs mere zamāne meñ rah gayā

baḌhte chale ga.e jo vo manzil ko pā ga.e
maiñ pattharoñ se paañv bachāne meñ rah gayā

har bar hi main jaan se jaane mein rah gaya
main rasm-e-zindagi jo nibhane mein rah gaya

aata hai meri samt ghamon ka naya hujum
allah main ye kaise zamane mein rah gaya

wo mausam-e-bahaar mein aa kar chale gae
phulon ke main charagh jalane mein rah gaya

sathi mere kahan se kahan tak pahunch gae
main zindagi ke naz uThane mein rah gaya

dar o rasan sajae gae jis ke waste
ek aisa shaKHs mere zamane mein rah gaya

baDhte chale gae jo wo manzil ko pa gae
main pattharon se panw bachane mein rah gaya