Subscribe to our newsletter and get our newest updates

Wali Mohammad Wali

  • Ghazal


muflisi sab bahaar khoti hai


muflisī sab bahār khotī hai
mard kā e'tibār khotī hai

kyūñke hāsil ho muj ko jam.iyyat
zulf terī qarār khotī hai

har sahar shoḳh kī nigah kī sharāb
mujh añkhāñ kā ḳhumār khotī hai

kyūñke milnā sanam kā tark karūñ
dilbarī iḳhtiyār khotī hai

ai 'valī' aab us parī-rū kī
mujh sine kā ġhubār khotī hai

muflisi sab bahaar khoti hai
mard ka e'tibar khoti hai

kyunke hasil ho muj ko jamiyyat
zulf teri qarar khoti hai

har sahar shoKH ki nigah ki sharab
mujh ankhan ka KHumar khoti hai

kyunke milna sanam ka tark karun
dilbari iKHtiyar khoti hai

ai 'wali' aab us pari-ru ki
mujh sine ka ghubar khoti hai


Leave a comment

+