zamīñ lapeTtā hai āsmāñ sameTtā hai
kahāñ kī baat ko ye dil kahāñ sameTtā hai

husain rif.ateñ taqsīm kartā hai ab bhī
yazīd aaj bhī rusvā.iyāñ sameTtā hai

vahīñ pe gardisheñ ruk saktī haiñ zamāne kī
vo jast bhartā hai aur par jahāñ sameTtā hai

use batānā ki tum jab kahīñ bhī TūTte ho
tumhārī kirchiyāñ koī yahāñ sameTtā hai

kisī meñ 'nādiya' juz ishq itnā zarf kahāñ
hai kaun bikhre diloñ ko jo yaañ sameTtā hai

zamin lapeTta hai aasman sameTta hai
kahan ki baat ko ye dil kahan sameTta hai

husain rifaten taqsim karta hai ab bhi
yazid aaj bhi ruswaiyan sameTta hai

wahin pe gardishen ruk sakti hain zamane ki
wo jast bharta hai aur par jahan sameTta hai

use batana ki tum jab kahin bhi TuTte ho
tumhaari kirchiyan koi yahan sameTta hai

kisi mein 'nadiya' juz ishq itna zarf kahan
hai kaun bikhre dilon ko jo yan sameTta hai