dost se ḳhvāh vo adū se mile
na hue ham to phir kasū se mile

saath is ke pale haiñ lākhoñ dil
kyuuñ na rañg-e-hinā lahū se mile

vaah ye shakl ye daġhā-bāzī
dil kasū kā liyā kasū se mile

vaise hī hasratoñ ke ḳhuun hue
un se the jaise aarzū se mile

lo ga.e the namāz ko 'tanvīr'
mai-kade ke haiñ rū-ba-rū se mile

dost se KHwah wo adu se mile
na hue hum to phir kasu se mile

sath is ke pale hain lakhon dil
kyun na rang-e-hina lahu se mile

wah ye shakl ye dagha-bazi
dil kasu ka liya kasu se mile

waise hi hasraton ke KHun hue
un se the jaise aarzu se mile

lo gae the namaz ko 'tanwir'
mai-kade ke hain ru-ba-ru se mile

Source: Intikhab-e-Sukhan,Volume-001