Subscribe to our newsletter and get our newest updates

Ejaz Gul

  • Ghazal


kise KHayal tha aisi bhi saaten hongi


kise ḳhayāl thā aisī bhī sā.ateñ hoñgī
ki mere naam se bhī tujh ko vahshateñ hoñgī

sazā-e-marg kī sūrat visāl guzrā thā
bichhaḌ ga.e haiñ to kyā kyā qayāmateñ hoñgī

judā.iyoñ meñ zamāne ne kyā sulūk kiyā
kabhī dobāra mile to hikāyateñ hoñgī

ḳhushā ki apnī vafā fāsloñ kī nazr huī
hamāre ba.ad zamīñ par rifāqateñ hoñgī

ujaḌ gayā huuñ magar hausle salāmat haiñ
ki ek din tujhe shāyad nadāmateñ hoñgī

kise KHayal tha aisi bhi saaten hongi
ki mere nam se bhi tujh ko wahshaten hongi

saza-e-marg ki surat visal guzra tha
bichhaD gae hain to kya kya qayamaten hongi

judaiyon mein zamane ne kya suluk kiya
kabhi dobara mile to hikayaten hongi

KHusha ki apni wafa faslon ki nazr hui
hamare baad zamin par rifaqaten hongi

ujaD gaya hun magar hausle salamat hain
ki ek din tujhe shayad nadamaten hongi


Source: Funoon(Jadeed Ghazal Number: Volume-002)

Leave a comment

+