ishq meñ sabr-o-razā darkār hai
fikr-e-asbāb-e-vafā darkār hai

chaak karne jāma-e-sabr-o-qarār
dilbar-e-rañgīñ qabā darkār hai

har sanam tasḳhīr-e-dil kyūñkar sake
dilrubā.ī kuuñ adā darkār hai

zulf kuuñ vā kar ki shāh-e-ishq kuuñ
sāya-e-bāl-e-humā darkār hai

rakh qadam mujh dīda-e-ḳhūñ-bār par
gar tujhe rañg-e-hinā darkār hai

dekh us kī chashm-e-shahlā kuuñ agar
nargis-e-bāġh-e-hayā darkār hai

azm us ke vasl kā hai ai 'valī'
lekin imdād-e-ḳhudā darkār hai

ishq mein sabr-o-raza darkar hai
fikr-e-asbab-e-wafa darkar hai

chaak karne jama-e-sabr-o-qarar
dilbar-e-rangin qaba darkar hai

har sanam tasKHir-e-dil kyunkar sake
dilrubai kun ada darkar hai

zulf kun wa kar ki shah-e-ishq kun
saya-e-baal-e-huma darkar hai

rakh qadam mujh dida-e-KHun-bar par
gar tujhe rang-e-hina darkar hai

dekh us ki chashm-e-shahla kun agar
nargis-e-bagh-e-haya darkar hai

azm us ke wasl ka hai ai 'wali'
lekin imdad-e-KHuda darkar hai