Subscribe to our newsletter and get our newest updates

Urooj Zehra Zaidi

  • Ghazal


sau baaton ki baat hai pyare wo jo zat mein hoti hai


sau bātoñ kī baat hai pyāre vo jo zaat meñ hotī hai
har insān kī izzat us ke apne haat meñ hotī hai

koī ajab sā pahlū hai jo dil meñ ghar kar jaatā hai
koī alag sī baat hai jo us kī har baat meñ hotī hai

us kī yaad bhī us kī tarah ulTe vaqtoñ aatī hai
shaam Dhale tak duur rahe aur paas vo raat meñ hotī hai

kisī se jhūTe va.ade karnā dhokā denā hotā hai
ġhalatī to vo hai merī jaañ jo jazbāt meñ hotī hai

'zehrā-zaidī' aap use āḳhir kyuuñ maan nahīñ letīñ
ishq to rahmat hai aur rahmat kab ḳhairāt meñ hotī hai

sau baaton ki baat hai pyare wo jo zat mein hoti hai
har insan ki izzat us ke apne hat mein hoti hai

koi ajab sa pahlu hai jo dil mein ghar kar jata hai
koi alag si baat hai jo us ki har baat mein hoti hai

us ki yaad bhi us ki tarah ulTe waqton aati hai
sham Dhale tak dur rahe aur pas wo raat mein hoti hai

kisi se jhuTe wade karna dhoka dena hota hai
ghalati to wo hai meri jaan jo jazbaat mein hoti hai

'zehra-zaidi' aap use aaKHir kyun man nahin letin
ishq to rahmat hai aur rahmat kab KHairaat mein hoti hai


Leave a comment

+