ik tū hī barbād nahīñ
koī yahāñ ābād nahīñ

merā dukh hai maiñ jānūñ
tujh se to fariyād nahīñ

ġham kī maarī duniyā meñ
kaun hai jo nāshād nahīñ

sab haiñ us ke qabze meñ
koī yahāñ āzād nahīñ

Dar mat ai panchhī mujh se
sāthī huuñ sayyād nahīñ

ek tu hi barbaad nahin
koi yahan aabaad nahin

mera dukh hai main jaanun
tujh se to fariyaad nahin

gham ki mari duniya mein
kaun hai jo nashad nahin

sab hain us ke qabze mein
koi yahan aazad nahin

Dar mat ai panchhi mujh se
sathi hun sayyaad nahin

Source: Seep Samundar Moti