Subscribe to our newsletter and get our newest updates

Faragh Rohvi

  • Ghazal


jis din se koi KHwahish-e-duniya nahin rakhta


jis din se koī ḳhvāhish-e-duniyā nahīñ rakhtā
maiñ dil meñ kisī baat kā khaTkā nahīñ rakhtā

mujh meñ hai yahī aib ki auroñ kī tarah maiñ
chehre pe kabhī dūsrā chehrā nahīñ rakhtā

kyuuñ qatl mujhe kar ke Dubote ho nadī meñ
do din bhī kisī laash ko dariyā nahīñ rakhtā

kyuuñ mujh ko lahū dene pe tum log ba-zid ho
maiñ sar pe kisī shaḳhs kā qarzā nahīñ rakhtā

ahbāb to ahbāb haiñ dushman ke ta.iiñ bhī
kam-zarf zamāne kā ravayya nahīñ rakhtā

ye sach hai ki maiñ ġhālib-e-sānī nahīñ lekin
yārān-e-muāsir kā bhī lahja nahīñ rakhtā

bādal to 'farāġh' asl meñ hotā hai vo bādal
jo pyaas ke sahrā ko bhī pyāsā nahīñ rakhtā

jis din se koi KHwahish-e-duniya nahin rakhta
main dil mein kisi baat ka khaTka nahin rakhta

mujh mein hai yahi aib ki auron ki tarah main
chehre pe kabhi dusra chehra nahin rakhta

kyun qatl mujhe kar ke Dubote ho nadi mein
do din bhi kisi lash ko dariya nahin rakhta

kyun mujh ko lahu dene pe tum log ba-zid ho
main sar pe kisi shaKHs ka qarza nahin rakhta

ahbab to ahbab hain dushman ke tain bhi
kam-zarf zamane ka rawayya nahin rakhta

ye sach hai ki main ghaalib-e-sani nahin lekin
yaran-e-muasir ka bhi lahja nahin rakhta

baadal to 'faragh' asl mein hota hai wo baadal
jo pyas ke sahra ko bhi pyasa nahin rakhta


Leave a comment

+