Warning: session_start(): open(/tmp/sess_3fdm3e7c30efmounvjbl05o390, O_RDWR) failed: No space left on device (28) in /razi/eraazi/darbari/chunmun/index.php on line 15
ajib subh thi diwar o dar kuchh aur se the

Subscribe to our newsletter and get our newest updates

Tabish Kamal

  • Ghazal


ajib subh thi diwar o dar kuchh aur se the


ajiib sub.h thī dīvār o dar kuchh aur se the
nigāh dekh rahī thī ki ghar kuchh aur se the

vo āshiyāne nahīñ the jahāñ pe chiḌiyāñ thiiñ
shajar kuchh aur se un par samar kuchh aur se the

tamām kashtiyāñ mañjdhār meñ ghirī huī thiiñ
har ek lahar meñ bante bhañvar kuchh aur se the

bahut badal gayā maidān-e-jañg kā naqsha
vo dhaḌ kuchh aur se the un pe sar kuchh aur se the

mire halīf mire saath the laḌā.ī meñ
har ek shaḳhs ke tevar magar kuchh aur se the

ka.ī paḌāv the manzil kī raah meñ 'tābish'
mire nasīb meñ lekin safar kuchh aur se the

ajib subh thi diwar o dar kuchh aur se the
nigah dekh rahi thi ki ghar kuchh aur se the

wo aashiyane nahin the jahan pe chiDiyan thin
shajar kuchh aur se un par samar kuchh aur se the

tamam kashtiyan manjdhaar mein ghiri hui thin
har ek lahar mein bante bhanwar kuchh aur se the

bahut badal gaya maidan-e-jang ka naqsha
wo dhaD kuchh aur se the un pe sar kuchh aur se the

mere halif mere sath the laDai mein
har ek shaKHs ke tewar magar kuchh aur se the

kai paDaw the manzil ki rah mein 'tabish'
mere nasib mein lekin safar kuchh aur se the


Leave a comment

+