Subscribe to our newsletter and get our newest updates

Aatif Kamal Rana

  • Ghazal


itna hi bahut hai ki ye barud hai mujh mein


itnā hī bahut hai ki ye bārūd hai mujh meñ
añgāra-numā shaḳhs bhī maujūd hai mujh meñ

poroñ se nikal aa.ī hai ik barf kī Tahnī
ai dost yahī ātish-e-namrūd hai mujh meñ

har geñd ke pīchhe koī aatā hai hamesha
ye kaun se bachche kī uchhal-kūd hai mujh meñ

gaalī nahīñ achchhī to tumheñ pesh karūñ kyā
ik aur bhī jumla suḳhan-ālūd hai mujh meñ

maiñ dekhtā rahtā huuñ ki vo khiḌkī hai ḳhālī
tā-hāl yahī raunaq-e-be-sūd hai mujh meñ

yūñhī to nahīñ log guzarte mire dil se
lagtā hai koī manzil-e-maqsūd hai mujh meñ

itna hi bahut hai ki ye barud hai mujh mein
angara-numa shaKHs bhi maujud hai mujh mein

poron se nikal aai hai ek barf ki Tahni
ai dost yahi aatish-e-namrud hai mujh mein

har gend ke pichhe koi aata hai hamesha
ye kaun se bachche ki uchhal-kud hai mujh mein

gali nahin achchhi to tumhein pesh karun kya
ek aur bhi jumla suKHan-alud hai mujh mein

main dekhta rahta hun ki wo khiDki hai KHali
ta-haal yahi raunaq-e-be-sud hai mujh mein

yunhi to nahin log guzarte mere dil se
lagta hai koi manzil-e-maqsud hai mujh mein


Leave a comment

+