Subscribe to our newsletter and get our newest updates

Abdul Hadi Wafa

  • Ghazal


phir hashr ke parda mein taqdir nazar aai


phir hashr ke parda meñ taqdīr nazar aa.ī
ā.īna-e-vahshat meñ tasvīr nazar aa.ī

jab qaid se ham chhūTe tadbīr nazar aa.ī
jab pā-e-junūñ TuuTe zanjīr nazar aa.ī

ai marg rag-o-pai ko de muzhda-e-sairābī
zahrāba-e-hirmāñ meñ tāsīr nazar aa.ī

har harf-e-amal-nāma kis shaan se bol uTThā
tahrīr ke parde meñ taqrīr nazar aa.ī

taraf-e-jigar-o-dil meñ thī yaas kī ābādī
vīrāne ke pahlū meñ ta.amīr nazar aa.ī

afsūn-e-karam dekho andāz-e-sitam dekho
har mauj-e-shakar-ḳhanda shamshīr nazar aa.ī

dīvāngī-e-dil kā thā ek nayā aalam
kaunain se āzādī tasḳhīr nazar aa.ī

is hastī-e-vahmī ne asrār-e-yaqīñ khole
kyā ḳhvāb nazar aayā ta.abīr nazar aa.ī

andoh-e-vafā avval dil-soz nazar aayā
ḳhākistar-e-dil āḳhir iksīr nazar aa.ī

phir hashr ke parda mein taqdir nazar aai
aaina-e-wahshat mein taswir nazar aai

jab qaid se hum chhuTe tadbir nazar aai
jab pa-e-junun TuTe zanjir nazar aai

ai marg rag-o-pai ko de muzhda-e-sairabi
zahraba-e-hirman mein tasir nazar aai

har harf-e-amal-nama kis shan se bol uTTha
tahrir ke parde mein taqrir nazar aai

taraf-e-jigar-o-dil mein thi yas ki aabaadi
virane ke pahlu mein tamir nazar aai

afsun-e-karam dekho andaz-e-sitam dekho
har mauj-e-shakar-KHanda shamshir nazar aai

diwangi-e-dil ka tha ek naya aalam
kaunain se aazadi tasKHir nazar aai

is hasti-e-wahmi ne asrar-e-yaqin khole
kya KHwab nazar aaya tabir nazar aai

andoh-e-wafa awwal dil-soz nazar aaya
KHakistar-e-dil aaKHir iksir nazar aai


Source:

Leave a comment

+