qayām umr-e-ravāñ kā musāfirāna hai
jahāñ meñ rahte haiñ jab tak ki āb-o-dāna hai

abas ġhurūr hai taufīq-e-ḳhair par zāhid
ye us kī rahmat-o-baḳhshish kā ik bahāna hai

mujhe riyāzat-o-tā.at par e'timād nahīñ
sar-e-niyāz mirā terā āstāna hai

fanā hī kā hai baqā naam dūsrā 'anjum'
nafas kī āmad-o-shud maut kā tarāna hai

qayam umr-e-rawan ka musafirana hai
jahan mein rahte hain jab tak ki aab-o-dana hai

abas ghurur hai taufiq-e-KHair par zahid
ye us ki rahmat-o-baKHshish ka ek bahana hai

mujhe riyazat-o-taat par e'timad nahin
sar-e-niyaz mera tera aastana hai

fana hi ka hai baqa nam dusra 'anjum'
nafas ki aamad-o-shud maut ka tarana hai

Source: Book : Mujalla Dastavez (Pg. 151) Author : Aziz Nabeel Publication : Edarah Dastavez (2013-14) Edition : 2013-14