Subscribe to our newsletter and get our newest updates

Chandni Pandey

  • Ghazal


wo kash man leta kabhi ham-safar mujhe


vo kaash maan letā kabhī ham-safar mujhe
to rāsto ke pech kā hotā na Dar mujhe

be-shak ye aa.ina mujhe jī bhar sañvār de
par dekhtī nahīñ hai ab us kī nazar mujhe

dīvār jo girī hai to ilzām kis ko duuñ
merī ḳhushī hī laa.ī thī sājan ke ghar mujhe

māyūsiyoñ ne shakl kī rañgat bigāḌ dī
pahchāntā nahīñ hai mirā hī nagar mujhe

aa.ī thī is taraf to kyuuñ mujh se milī nahīñ
ab ke bahār lag rahī hai muḳhtasar mujhe

maiñ 'chāñdnī' huuñ nuur hai mujh se jahān meñ
dikhlā rahā hai kaun añdhere kā Dar mujh

wo kash man leta kabhi ham-safar mujhe
to rasto ke pech ka hota na Dar mujhe

be-shak ye aaina mujhe ji bhar sanwar de
par dekhti nahin hai ab us ki nazar mujhe

diwar jo giri hai to ilzam kis ko dun
meri KHushi hi lai thi sajan ke ghar mujhe

mayusiyon ne shakl ki rangat bigaD di
pahchanta nahin hai mera hi nagar mujhe

aai thi is taraf to kyun mujh se mili nahin
ab ke bahaar lag rahi hai muKHtasar mujhe

main 'chandni' hun nur hai mujh se jahan mein
dikhla raha hai kaun andhere ka Dar mujh


Leave a comment

+