Subscribe to our newsletter and get our newest updates

Imdad Akash

  • Ghazal


agarche jaanne walon ke sath chalte hain


agarche jānñe vāloñ ke saath chalte haiñ
magar ham apne savāloñ ke saath chalte haiñ

talab to dekh hamārī tire nagar kī taraf
ham apne paañv ke chhāloñ ke saath chalte haiñ

sab apne apne tazādoñ ke dam se haiñ zinda
sab apne apne havāloñ ke saath chalte haiñ

badan sambhāl ke chalnā shikāriyoñ ke hujūm
saḌak pe reshmī jāloñ ke saath chalte haiñ

safar ke vāste vo rāsta chunā jis par
azaab qāfile vāloñ ke saath chalte haiñ

maiñ TūTtā huā taarā huuñ kitne andeshe
mire nahīf ujāloñ ke saath chalte haiñ

agarche jaanne walon ke sath chalte hain
magar hum apne sawalon ke sath chalte hain

talab to dekh hamari tere nagar ki taraf
hum apne panw ke chhaalon ke sath chalte hain

sab apne apne tazadon ke dam se hain zinda
sab apne apne hawalon ke sath chalte hain

badan sambhaal ke chalna shikariyon ke hujum
saDak pe reshmi jalon ke sath chalte hain

safar ke waste wo rasta chuna jis par
azab qafile walon ke sath chalte hain

main TuTta hua tara hun kitne andeshe
mere nahif ujalon ke sath chalte hain


Source:

Leave a comment

+