kahāñ maiñ abhī tak nazar aa sakā huuñ
ḳhudā jaane kitnī tahoñ meñ chhupā huuñ

ye kis ne sadā dī mujhe zindagī ne
magar maiñ to sadiyāñ huiiñ mar chukā huuñ

ye kah kar to manzil ne dil toḌ Daalā
jahāñ se chalā thā vahī marhala huuñ

ye dilchasp va.ade ye rañgīñ dilāse
ajab sāzisheñ haiñ kahāñ aa gayā huuñ

tirā qurb hāsil huā bhī to kyā hai
vahī fāsla thā vahī fāsla huuñ

kahan main abhi tak nazar aa saka hun
KHuda jaane kitni tahon mein chhupa hun

ye kis ne sada di mujhe zindagi ne
magar main to sadiyan huin mar chuka hun

ye kah kar to manzil ne dil toD Dala
jahan se chala tha wahi marhala hun

ye dilchasp wade ye rangin dilase
ajab sazishen hain kahan aa gaya hun

tera qurb hasil hua bhi to kya hai
wahi fasla tha wahi fasla hun